Jowai : Ha ka yaleke ynne i janmiet ha pyrdi ka Da O Bhoi SC pyrchah yaka We United ka yaleh da man ko kawa yakhaaid bha heiwa haka kylla step yong ka yaleh ka We United da yoh chwa ko u pynkhih yaka jaar lyngba u Donbok Bamon jersey no 15 ha ka minit wa 8, pynbood sa ka kool na u Raimiki Challam jersey no 7 ha ka minit wa 9 wa ka kool wa le na u Atlan Kmaw Jersey No. 11 ha ka minit wa 27.
Katwa neiliang ka Da o Bhoi S. C da ioh ko u su du kawi donhi ka kol lyngba u Chanki Iakai Jersey No. 7 ha ka minit wa 19.
Ha ka kylla miet ka yalehke ka We United da yoh biang ko u thap yaki kool ha ka minit wa 32 wa ka 35 lyngba u Donbok Bamon kamjooh na u Raimiki Challam, ka Da O Bhoi SC dei chah chitom kiwa yalehke da ye biang ki u su yaki 3 tylli ki kool ha ka minit wa 40, 56 lyngba u Hamekilad Nikhla Jersey No. 9, wa ka kool na u Wandame Myrchiang Jersey no. 11 ha ka minit wa 48. Kamtæ ka yalehke da kut ko dei naamjop ya ka We United 5-4
U Darimi O Suchiang yong ka Da O Bhoi S.C da yoh u ya ka yellow card ha ka minit wa 57, katwa u Dame Bamon yong ka We United da yoh u ha ka minit wa 25.
Mynstep ka Umshangiar SC daw yaleh ko pyrchah yaka New Kids FC heipor 3:30pm
Discussion about this post