Ki result Quarter Final ka 3rd Republic Day Cup

Jowai : Ka 3^rd Republic Day Cup, U-12 Football Tournament ynnin ka 19 tarik da sdang ya ki yalehke Quarter Final.

Ka Mukhla Raij da pynrem ko ya 7 Wasa da 6-4 lyngba ka chut Tie-breaker hadien wa kut ka yalehke mar chi kool. Ya ka kool ka Mukhla Raij da thap da u Kamuchwa Kynjin ha ka minit wa 19 katwa ya ka kool ka 7 Wasa da thap da u Fredinge Ryngkhlem ha ka minit wa 29.

Ka Dulong won da pynrem ko ya ka Panaliar 2-0. Ya ki kool da thap da u Arwonki Rabon ha ka minit wa 27 wa u Ialom Laloo ha ka minit wa 8.

Ka Nangbah Pohchnong won da pynrem ko ya ka Dongmihsngi da 5-3 lyngba ka chut Tie breaker hadien wa kut ka yalehke mar chi koo. Ya ka Dongmihsngi da thap kool u Ebormi Dhar ha ka minit wa 57 min wa u Nangbah Pohchnong ha ka minit wa 60.

Related posts

Chongchit ka Games & Sports ka Jingiaseng Samla Bataw District

September 4, 2025

Jop ka Thadmusem wa ka Laru ha ka 2nd Division, ka Heiboriong I ha ka Super Division ka TSA

September 4, 2025

Ka Mulang Ialong da pynrem ko ya ka Mynthong 5-1. Ya ka kool ka Mynthong da thap da u Hamedaman Thma ha ka minit wa 16. Ya ka Mulang Ialong won da thap u Nidaroi Mulieh ha ka minit wa 12 wa 46, u Charelang Mulieh ha ka minit wa 22 wa u Skhembormi Phawa ha ka minit wa 49 wa 51.

Ya ka yalehke Semi Final daw pynman ha ka 21 tarik ha pyrdi ka Dulong vs Mulang Ialong wa ka Nangbah Pohchnong vs Mukhla Raij.