Jowai : Ka yakhun football Second Division kawa da pynman da ka West Jaintia District Sports Association ha madan Kiang Nangbah Stadium, Jowai ynne da poi ko cha ka yakhun Semi Final ha pyrdi ka Phramer SC wa ka Moosalyngkat SC da man ko kawa yoosuk heiwa ki nongyalehke da yaleh ki u pynkhih ya ka jaar kool weiwa hadooh ka minit wa 35 (ka kylla step i yalehke) ym em wa ye u thap kool.
Ha ka bynta wa ar yong kani ka yalehke u Kyrsoi Mawphniang yong ka Phramer SC da yoh ko u thap ya ka kool haka minit wa 64 weiwa neiliang ki nongyalehke ka Moosalyngkat SC da pyrchang ki katwa joh i bor ki yow su kylliang ya kani ka kool tangwa ym em de u yoh ki u thap hadooh wa kut kani ka yaleh. Neini i jop ka Phramer SC da yoh ko u psiah cha ka final yong ka Second Division.
Ha ka yakhun wa ar won hapyrdi ka 7 Wasa SC wa ka Khliehiongriang SC da man i iwa ya thaiñ bha neibhah hadooh wa kut ka kylla step (35 minit) ym em wa ye u pynkhih ya ka jar kool.
Ha ka yakhun wa kylla miet won ka 7wasa SC da yoh ko u pynkhih ya ka jar kool lyngba u Geddyson Bang ha ka minit wa 65. Ki nongyalehke ka Kliehiongriang SC da pyrchang ki u su kylliang ya kani ka kool tangwa ym ye ki u pynkhih ya ka jar kool ka 7 Wasa wei ha chwa wow kut kani ka yalehke ka 7 Wasa SC da yoh biang ko u thap lyngba ka kool wa chut u Dapmain Skillet ha ka minit wa 70+1 min. Ini i jop ka 7wasa SC da yarap ko ya ka wow psiah cha ka yakhun final yong kani ka Second Division.
Ya ka yakhun Final hapyrdi ka Phramer SC wa ka 7 Wasa SC daw pynman ha ka 28 Khonchonglad heipor 1:00 i sngi.
Discussion about this post