Ki Result Semifinal ka Interschool Basketball Tournament

Jowai : Ka Interschool Basketball Tournament 2016 ka wa pynman da ka District Sports Office ka West Jaiñtia Hills, ynne ka sngi da poi ko cha ka yalehke semifinal ha pynar ki kyrdan chynrang wa kynthai.

Ha ka Semifinal wa nyngkong yong ki kynthai da pynman ha pyrdi ka St. Mary Mazzarello Girls HS School wa ka Little Flower HS School, Ummulong. Ha kani ka yalehke ka St. Mary da jop suk ko da 19-2 point.

Ha ka Semifinal wa ar won ka Police Public Secondary School da yachem ko wa ka JNV School heiwa ka Police Public da jop ko 4-2 point.

Ha ki Semifinal yong ki chynrang won ka Adventist School da yakhun ko wa ka Marian Hills HS School. Kani ka yalehke man ko kawa yoosuk wei yatoh bor bha ki waroh arliang. Ha wa kut ka Adventist da jop ko 24-20.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026

Ka Semifinal wa khaddooh ka Government Boys’ HS School da jop suk ko ya ka Police Public Secondary School da 16-4 point.

Ya ki Final u pynman ha kani ka 24 tarik ha madan Basketball wa em harood ka Kiang Nangbah Stadium, Ladthadlaboh heipor 9:30 i step.