Ki result yong ka Subroto Cup wada man ynne ka sngi

Jowai : Ka Subroto Cup wada pynman ha Kiang Nangbah Stadium ynne ka sngi da poi ka Round kawa nyngkong cha wa kut heiwa ynne hei yatoh wa ka U 17 da pyndep 4 tylli ki yalehke.

Ha kawa nyngkong da yachem ka Mihmyntdu Secondary School pyrchah ya ka Syiemjingsuk Secondary School heiwa ka Mihmyntdu da jop ko 1-0 lyngba ka kool wa thap u Chibor Phawa ha ka minit wa 55.

Ka yalehke wa ar won hapyrdi ka North Liberty HSS pyrchah wa ka Padu Secondary School heiwa ka North Liberty da jop ko 3-0 da ka hat trick lyngba u Toni Talang ha ki minit wa 11,41 wa 53.

Da bood ka yalehke wa le hapyrdi ka Govt. Boys HSS pyrchah ka Pdengshakap Sec. School ka Govt. Boys da jop ko 3-0 lyngba u Daunisakhiat Dkhar ha ka minit wa 4, u Shngainlang i Passah ha ka minit wa 32 wa na u Belonia Lywait ha ka minit wa 41.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka yalehke wa soo won ka St. Dominic HS School da yachem ko wa ka Sawlyngdoh HS School heiwa ka St. Dominic da jop ko 2-1. Ya ki kool ka St. Dominic da thap da u Sulrip Manar ha ka minit wa 19 wa 29 katwa ya ka kool ka Sawlyngdoh won da thap da u Teibok Biam ha ka minit wa 31.

Heijooh i por da em leh ka yalehke U-14 boys heiwa ka Jaiñia Sec. School da yaelh pyrchah ko ya ka Pdengshakap Sec. School heiwa kut ka yalehke mar chi kool heiwa da rai ya kiwa jop lyngba ka tie-breaker heiwa ka Jaiñtia da jop ko da 4-3.