Kam chibynta wow pyndep ya ka Word No Tobacco Day 2023 wa da pynman ha kylleiñ ka jylla Meghalaya kawa da pynkut ha ka 31 tarik u Naisan. Ha East Jaiñtia Hills District da chimbynta da 393 tylli ki skur wa da em 18,726 ngut ki khynnah kiwa da pynman ya ki lai paidbah wei da chim ki leh yei soi pyrtuid ki 2,37,609 ngut ki bru wow kular yaleh pyrchah yei baam duma wa i dih duma.
Neiliang ka Dr. Lana L Nongbri, State Nodal Officer, NHM, da ong ko wa u duma da pynyap u ym du ya ki bru wa pynemkaam tangwa da ktah i leh ya ka rymaw.
Da ong ko leh wa 47% ki bru kiwa nadooh 15 snem chaneiñ toh kiwa pynemkaam ya ki jait duma wa boon jait wei da tynyap i ya 8000 ngut ki bru ha Meghalaya ha ka chi snem.
Kani ka ka lai pynman Rally ki khynnah skur ha uni u snem man ko kam ka yakob heiwa na East Jaiñtia Hills District da jop ka Narwan Lumlama Lower Primary School hapoh ka kyrdan Primary School, ha ka Upper Primary da jop ka Topcem Public School, ha ka Secondary da jop ka Sohkymphor Secondary School katwa ha ka Higher Secondary won da jop ka Khliehriat Higher Secondary School.
