Neiliang u Deputy Commissioner ka West Jaiñtia Hills da pyntip u cha ki paidbah ka District wa daw chah u wai ki dukan wa dai ya ki marbaam wa emkaam wa kynthup ya ki dukan dai yonglang (Wholesale) wa ki dukan dai khutia namo ki Retail Shop ha kini ki por wa pynkrehkaam ya ka Total Curfew hapoh ka District.
U chah u wai ki dukan dai khutia du ha ki dong kiwa da jied da ki jar jiar ki waheh chnong ha ka 01-06-21 (Tuesday) wa ha ka 04-06-21 (Friday) nadooh 9:00 waje i step hadooh 2:00 waje i sngi.
Ki dukan Wholesale u wai du kiwa jied da ki waheh chnong ki wow wai ha ka 02-06-21 (Wednesday) nadooh 8:00 waje i step hadooh 4:00 waje noh chariñ ka sngi.
Ym pu chah wow wai kiwon kiwon ki yaw ki haat, ym chah leh wow chondai charood sarok, ha ki luti lai kjat wa kiwi kiwi. Ym chah leh wow lai na kawi ka chnong cha kawi kamjooh na kawi ka dong cha kawi.
Ki waheh chnong deiwa ya krehlang wa ki Incident Commander deilang wa ki pulit u pynbait ki yei rukom wai ki dukan ha ki jar jiar ki dong yong ki deiwa pyntikna wa da bood ya ki kyndon wa da booh ka chnat i chait i khiah heiyatoh wow deiñ ya ki Mask wei wow yajngai uwi ya uwi, u sait ya ki kti dei langær da ka um wa i sabon wei ym toh wow mynthu ha ki thaw paidbah.
Ki waheh chnong toh u pynchlur ki wow leh da ka Home Delivery ya kiwa dai dukan khutia kamjooh ya kiwa dai Wholesale wow lai booh ki ya ki mar cha ki dukan dai khutia.
Waroh ki bru toh u deiñ ki ya ki Face Mask, u bood ya ka Social Distancing deiwa yajngai ym duna 2 meter, wow man kiwa em akor heipor wa ka’oh wei synrieh kamjooh wow sait ya ki kti deiwa langær, ym toh wow mynthu ha ki thaw paidbah wei wow ya krehlang wa ki bor District, ki pulit wa ki waheh chnong.
Ya kiwa leh pyrchah daw pynchitom katkam ka kyndon Section 51(b) ka aiñ Disaster Management Act, 2005.
