Jowai : U WYRTA hei yachem wa u Executive Engineer ka PWD (Jowai South Division) u ma M. Nongluh ynne ka sngi da ong u wa em kattu katni ki surok wa tbian wa ka tnat PWD da sdang ki u kreh kam chibynta wow yoh ki kari u lai kamjooh leh deiwa wa pyrkhat yei sdang heh ka chnong Jowai.
Uwi na ki surok wa da kreh toh u Mission Compound-Thomas Jones wa lai lyngba u KNB Road utæ uwa jrong kamwa 700 meter hei lut kamwa T. 2.30 klur. Uni toh uwa khlad na Pohskur narood i khloo Mooliksoo u wow mih harood ka Yungwalieh ka Tpep-pale.
Sa kawi won ka surok ka wow khald na KNB Road (Wahnangbah) ka wa lai najan ka Office Employment Exchange uwow mih hadooh ha Thomas Jones Synod College. Ha uni u surok daw em ar tylli ki yingkieñ kiwa jrong kamwa 10 meter wa 50 meter. Da thmu wow pyndep chna ya u surok ha uni u Naiynru (June) uni u snem.
Sa uwi u surok won u wow lai na Mookyrdup u wow mih ha Dulong-College Road. Daw em leh sa uwi uwa ha Dongmihsngi wow yachem wa u surok Salaroh uwa jrong 1.2 Km.
Uwi u surok khyndaw wa jrong 6 Km daw pyllai na wah ki quarter ka Forest na Lower Salaroh u wow poi hadooh Loompyrtuh ha Mihmyntdu uwa daw yachem wow surok wa dang dep siang psiang wot da ka office u BDO Thadlaskeiñ lyngba ka MNREGS.
Ya uni u surok da chna hapoh ka Special Plan Assitance (SPA) hei dor wa 4.90 Klur wa kynthup ya ar tylli ki yingkieñ kiwa jrong 10 meter wa 8 meter.
Discussion about this post