Heiyatoh wa ka Election chiteiñ samoi ha ka 13-Mawryngkneng (ST) Assembly Constituency wa ka 24-Mawphlang (ST) Assembly Constituency, neiliang u Returning Officer da pynbna u ya ki tarik heiyatoh wa i thap pyrtuid wa kiwi kiwi de.
Yei thap pyrtuid ki kyrtong lane da kiwa tyrwa ya oo, toh u wanrah ya ki kot ki sla (Nomination Papers) cha ka yung krehkaam u Returning Officer (Room No. 308-A) lane ha u Assistant Returning Officer ha yung krehkaam ka Deputy Commissioner, Shillong (Room No. 308-B) heipor 11:00 waje i step hadooh 3:00 waje i sngi ha kiwon kiwon ki sngi lait na ki sngi chuti ym toh wow palat ya ka 8 tarik uni u bnai.
Ya ki Nomination Paper ye wow yoh pyn na ini i thaw ha ki por wa da kdaw.
Yei sylli ya ki kot ki sla daw leh heipor 11:00 waje i step ka 11 tarik uni u bnai ha kamra krehkaam u RO.
Yow kynran dien, ki kyrtong lane da kiwa tyrwa pyrtuid ya oo ye ki wow leh ya ini chwa ka 3:00 waje i sngi ka 13 tarik uni u bnai.
Ka sngi thap Vote u man ko ha ka 30-10-21 nadooh 7:00 waje i step hadooh 4:00 waje i janmiet.
