Jowai: Ka Election Commission of India (ECI) ynne ka sngi da pynbna ko ya ki tarik hei yatoh wa i jied MLA hapoh ki le tylli ki jylla ka thaiñ mihsngi kiwa kynthup ya ka Tripura, ka Meghalaya wa ka Nagaland.
Ki tarik yong ka Election hapoh Nagaland wa ka Meghalaya da man ki ki jooh heiwa da pynbna kamni hawah:
Ka tarik wa khaddooh wow thap pyrtuid kam u kyrtong namo wow File Nomination u man ko ha ka 7 Thohlakhmi (February).
Ka tarik wow sylli ya ki kot ki sla ki kyrtong namo ka Scrutiny toh ha ka 8 Thohlakhmi.
Ka tarik wow pyndam pyrtuid kam u kyrtong namo Withdrawal of Nomination toh ha ka 12 Thohlakhmi.
Ka tarik wow thap vote toh ha ka 27 Thohlakhmi.
U ñiaw won ya ki vote namo ka Counting u man ko ha ka 3 Wisu (March).
Ka tarik wow pyndep ya ka Election toh ha ka 5 Wisu.
Hapoh ka jylla Tripura nawon ki tarik man ki kamni hawah:
Ka tarik wa khaddooh wow thap pyrtuid kam u kyrtong namo wow File Nomination u man ko ha ka 31 Duyatra (January).
Ka tarik wow sylli ya ki kot ki sla ki kyrtong namo ka Scrutiny toh ha ka 1 Thohlakhmi.
Ka tarik wow pyndam pyrtuid kam u kyrtong namo Withdrawal of Nomination toh ha ka 3 Thohlakhmi.
Ka tarik wow thap vote toh ha ka 18 Thohlakhmi.
U ñiaw won ya ki vote namo ka Counting u man ko ha ka 3 Wisu (March).
Ka tarik wow pyndep ya ka Election toh ha ka 5 Wisu.
Discussion about this post