Jowai: Kam chibynta wow suk ka lai ka wan mynstep ka sngi niaw Vote ha Jowai, ki pulit ka Jowai Traffic Branch da pynbna ki wa da booh 6 tylli ki thaw pynyieñ kari.
Ka thaw pynyieñ kari wa nyngkong kawa da e pyrtuid Parking No-I toh ka Madan Chaad Sukra Nangbah Stand wei ha ini i thaw ye u pynyieñ kari du ki kyrtong donhi.
Ha ka Parking No-II kawa man leh ka Dawki Stand ye u pynyieñ du ki kari ki kyrtong waki Political Party.
Ha ka Parking No-III kawa tip kam ka Madan Kniakhat (Ialong Stand) toh kawa da booh neibynta ki kari ki Political Party wa wan neiliang Ummulong waka thaiñ Ladthadlaboh haap pynyieñ ki heini.
Da booh leh ya ka Parking No-IV ka Ummulong Stand neibynta ki kari ki Political Party kiwa wan na Ummulong wa na Ladthadlaboh.
Ka Parking No-V ki bynta ka Thomas Jones College u man ki kam ka Reserved Parking.
Ka Parking No-VI ka thaw pynyieñ kari kawa tip kam ka Old Sumo Stand toh neibynta waroh ki kari kamai wa wan neiliang Ummulong wa Shillong haap pynyieñ kari ki du chilliang ka sarok kani ka thaw.
Da em leh 4 tylli ki No Entry:
- Waroh ki kari wa wan na Mynthong haap lai ki nadien ka yungkrehkaam u DC.
- Da em leh ka No Entry ya ki kari wa wan na Mission Compound wow lai ki cha Iawmusiang heiwa ki kari wa wan haap booh kari ki ha Seinraij Shopping Complex Parking Lot.
- Ki kari wa wan na Khimusniang wa Chutwakhu ym chah ya ki wow lai ki cha yungkrehkaam u DC.
- Ki kari wa wan na Wah Nangbah ym cha u lai ki chei liang ka yungkrehkaam u DC kamjooh ya kari wa wan na New Hill Point.
Discussion about this post