Ynne ka sngi kawa man ka Dorbar Tlang yong ka JHADC, neiliang u Andrew Shullai da kylli u heiyatoh wa ka Trading License wa da e cha ki baar jylla kiwa kreh hapoh u pood ka Council.
Manda yoh yei jubab da pynrap u wow kylli na u EM wa pait ya ka chnat Trade, u WG Sungoh heiyatoh wa lada ki Truck ka karkhana Star Cement da yoh NOC ki, wei yeini da jubab u Sungoh wa kini ki Truck ympu em u yoh License ki.
Chooh chooh da kylli u wa iyi wa da leh ki Check Point ka Council ya kini ki Truck kiwa khlem ki kot ki sla wa biang, neiliang u Sungoh da ong u wa neiliang ka chnat daw leh ko yeiwa emkaam ha ki por wow wan.
Heijooh i por u Andrew da kyntu u ya ka Executive Committee ka Council wa ymtoh wow e ya ka Trading License ya ki neibhah wa ini daw ktah i yei khih i kreh ki tre jylla kiwa em Truck.
Kam wow pynynmoo wa ka seiñ ki tre Truck da pyrchah joor ki yeini i thied Truck ki karkhana pynmih khyndaw-bilat neidaw wa daw dooh khih ki lada kit mar da ki Truck ki karkhana hi.
