Ki wym ye u wanrah da ki EPIC ye ki wow pynemkaam da kiwi ki ID hawa wan thap Vote

U District Election Officer ka East Jaiñtia Hills District da pyntip u cha ki paidbah wa thap Vote kiwa em hapoh ka 5-Sutnga-Saipung Assembly Segment wa 6-Khliehriat Assembly Segment ka 1-Shillong Parliamentary Constituency wa ki Voter Information Slips (VIS) wa da e cha kiwa thap Vote ym du katu wa ye u pynsakhiat ya kiwa wan thap Vote da ki Presiding Officer wa em ha jar jiar ki Polling Station haka sngi thap Vote.

Heijooh i por da yooluti wa waroh kiwa thap Vote u rah ki ya ki EPIC yong ki manda wan thap Vote ki cha ki Polling Station tangwa katkam ka kyndon Para 7 ka ECI instruction order No.3/4/ID/SDR/VOL.I, Dated 19^th March 2024, kiwa da em pyrtuid kam kiwa thap Vote tangwa ym ye ki wow wanrah da ki EPIC ye ki leh wow wanrah da kiwi ki kot ki sla wa emlang wei dur wow pynsakhiat namo ki Photo Identity Documents kam ki Aadhaar Card, MNREGA Job Card, Pass Book wa emlang wa i dur wa e da ki Bank/Post Office, neitæ ka Health Insurance Smart Card wa e da ka Ministry of Labour.

Ye leh u wanrah da ka Driving License, PAN Card, Smart Card wa e da ka RGI hapoh ka NPR, Indian Passport, ka kot Pension wa emlang wa i dur, ki Service Identity Cards wa emlang wa i dur wa e da ka Central/State Government/PSUs/Public Limited Companies wa ki ID Card wa da da ki MP/MLA/MLC.

U pdiang leh ya ki Unique Disability ID (UDID) Card wa e da ka Ministry of Social Justice & Empowerment ka sorkar India.