Shillong: Ka lympung Football wada pynman da ka All Jaiñtia Students’ Union – Shillong Circle wa tip kam ka 6th Jaiñtia Meet Football 2017 ha Shillong da man ko kawa lai bait ynne ka sngi ha madan Jingkieng Nongthymmai.
Ynne ka sngi ka yaleh da man ko hapyrdi ka Rymbai FC wa ka Jopbait FC heiwa hadooh wa kut da neh ka yalehke mar la 1-1, wei ka Rymbai FC da jop ko da 5-4 daka chut Tie-breaker.
Ka Jar-i-sap pyrchah ya ka Iong-i da kut biang ko heiwa da thap ki mar 1-1 wei da rai jop ya ka Jar-i-sap ha ka chut Tie-breaker da 5-4, wei ka Ummulong FC won da jop ko yaka Thunder FC da 2-0 katwa ka Lumlang FC da jop ko yaka Pynyow Borlang FC da 2-0.
Mynstep ka sngi 5 tarik ka yalehke Quarter Final wa nyngkong u man ko hapyrdi ka Ummulong FC pyrchah yaka RNA War FC heipor 12:00 waje, ka yalehke wa ar hapyrdi ka Jar-i-Sap FC pyrchah yaka Lumlang FC heipor 1:30 i sngi, ka yalehke wa le won hapyrdi ka Mowkaiaw United FC pyrchah yaka Friendly Federation FC heipor 2:00 waje katwa ka yalehke wa soo won hapyrdi ka Rymbai FC pyrchah yaka Nexus FC (Mowkaiaw) heipor 3:00 waje i sngi.
Discussion about this post