Jowai : Ka Independence Day Cup U-16 2016 ynne ka sngi da rai ya kiwa yoh u yakhun ha ka Final wa daw pynman ha kani ka 15 tarik.
Ha ka yalehke wa nyngkong da yachem ka Lumpariat wa ka Khliehiongriang. Ha ka kylla step pynar da yoh ki u thap mar chi kool. Ya ka kool wa nyngkong da thap da ka Lumpariat lyngba u Wandame Lamare ha ka minit wa 15. Ka Khliehiongriang won da su kylla ko ha ka minit wa 35 lyngba u Shembha Suchen ha ka minit wa 35.
Ha ka kylla miet won ym em de wa ye u pyntam ya ki kool hadooh ka Extra Time leh. Kamtæ da rai ya kiwa jop da ka chut Tie-Breaker heiwa ka Lumpariat da jop ko 4-2.
Ha ka Semi Final wa ar won da yaleh hapyrdi ka Dulong wa ka 7 Wasa heiwa ka ka Dulong da jop ko da 2-0.
Ka kylla step kut ko khlem em wa ye u thap kool. Ha ka kylla miet won ka Dulong da pynbaam ko ar kool ya ka 7 Wasa ha ka minit wa 44 lyngba u Dathrang O War wa u Wansa Oo Laloo ha ka minit wa 51.
Ka yakhun Final ha pyrdi ka Dulong wa ka Lumpariat u pynman ha ka 15 tarik heipor 1 waje i sngi ha Kiang Nangbah Stadium, Ladthadlaboh.
Discussion about this post