Jowai : Kam chi bynta wow pynkynmoo ya ki paidbah wa emkaam wow man ki kiwa thap pyrtuid yow yoh ya ki EPIC kawa man leh ki dak wa em hok ki wow thap vote, ki bor district ka West Jaiñtia Hills da sdang ki ynne ka sngi wow pynman ya ki yakop waphær waphær kam ya ka yakop dro, thoh essay wa ka debate hei yatoh wa ka National Voters Day.
Ynne ka 17 tarik da sdang chwa da ka yakop tem guitar (instrumental) heiwa da wan le ngut kiwa wan chim bynta wei da pynbood sa ka yakop thoh essay ka wa da ya bhah ha ki ar kyrdan ka Junior (Class XII cha poh) wa ka kyrdan Senior wa kynthup ya kiwa da puræ Graduate.
Da pynbood da ka ya-ñia hajrong ka phang “India’s Vision for a strong democracy relies soley on the youth of today.”
Ka ya-ñia man ko kawa chong chit bha han lada wan du le ngut chiliang kiwa da klam wa ka mynried man ko ka yong ki khynroo khyllood tangwa kiwa pyrchah ong ki wa u Modi hanlada da heh bru u, stat bha u wow pynemkaam ya i stat sayan wa katni katwa ki khynnah dang haap yah luti kiwa heh ya ki chwa wow lai ki cha khmat.
Mynstep ka 18 tarik daw pteiñ ya kiwa boon ki yakop kam ka chaad tynre, ki rwai tynre wa kiwi ki wow pynman biang ha Thomas Jones Synod College, Jowai nadooh ka 11 waje i step.
Ya kiwa jop daw pynbna ha ka 25 tarik uni u bnai.
Discussion about this post