Ki Zebra Crossing wa ki kyndon wa emkam u tip hawa lai na sarok

Shillong: Wow pynsñiawthooh ya ki paidbah wei wow pynche ya ki hei yatoh wa ki Zebra Crossing namo ki thaw kaap chilliang sarok, u Superintendent of Police, ka East Khasi Hills District da pyntip u ya kini ki kyndon hawah:

Kam kiwa yah kari namo thuk-thuk:

Lai wer namo sangeh yow pyntikna wa ki paidbah suk ki u kaap cha chilliang sarok
Lada em kari nadien wow pynche ya ki Hazard Lights namo wow pynche ya ki ar tylli ki light nadien wa naphrang (kiwa che-che plæh plæh) e laad chwa ya ki.
Lada em ar namo boon ki luti, emkaam u sangeh lada em chwa ka kari wa sangeh neibynta wow kaap chiliang ki paidbah haphrang.
Manda poi ha Zebra Crossing wei da em chwa ki bru wa kaap chiliang emkaam wow pynsangeh ya ka kari.
Emkaam wow man kiwa syndong wa kiwa jemnood wa kiwa thliang mynsien hawa poi ha Zebra Crossing.
Kynmoo wa manda hiar na kari uwa yah leh da man u kam ki paidbah hi.
Syndong wei pait bha khamtam hawa em khynnah neibhah ki ym sñiawthooh ki ya ki kyndon pynlai kari

Kam ki bru paidbah wa kiwa lai kjat:

Ham chah slah pynthut hawa lai ha u Zebra Crossing (ham pynemkaam ya ki Mobile Phone).
Kynmoo wa man phi kiwa tlot dooh hakhmat ka kari.
Katwa ye sñiawbha pynemkaam ya ki luti lai-kjat (Footpath) yingkieñ lai kjat (Footbridge)
Ham man kiwa lai khlem pait næ ki wym burom ya ki kyndon aiñ.
Ham kaap chiliang sarok katwa dang pyllait u pulit ya ki kari u lai ki.
Kaap chiliang ya ki sarok du ha ki bynta kiwa da man wa da booh wow kaap chiliang kam ki yingkieñ, ki krem wa da tih napoh khyndaw (underpasses) wa kiwi kiwi.
Ha ki Zebra Crossing ki wym em Traffic Lights, toh u man kiwa syndong bha neibhah waroh ki kari ym sangeh ki du neibynta yong phi. Kaap chiliang hawa ym em kari de wei hoi hi u kaap deiwa suk dei jai-jai.
Hawa kaap chiliang emkaam wow pait markhmat wa kiwa yah kari khnang wow yoo u chynna ki phi.
Man kiwa syndong bha hawa em ki kari kiwa ran chadien (Reversing) neibhah wa em ki por heiwa kiwa yah chah kneiñ chah kah wei ym chynna ki chadien
Pyntikna wa ki khynnah ym em u kyndehke ki hajan sarok namo hajan ki thaw wa boon kari.
Emkaam wow lai na ki tahw wa em Railing namo ki thaw kiwa da em wa kah ya u sarok wa ki thaw lai kjat neibhah kini yada ki ya ki paidbah.
Lada ym em ki thaw wa da kah, emkaam u lai na liang tidiang yong u sarok yow chynna ya ki kari kiwa wan mar pyrchah