Da: U Chandame Sungoh, Chairman HBDRF
Han lada 162 snem nachwa,
Kamwa dang ynnin wot sñiaw O ha nga;
Lung i mynsien hawa kynmoo oo ki,
Yei chah tynyap mi how dieñ pasi.
Kiang Nangbah, Aa Kiang Nangbah,
U khon dap chynrang ka Ri Pnar;
Wym tieñ mi u yap syit how tylle pasi,
Yow im yow suk ki khon ki hajar.
Ki chipai pharæng wa boon wei biang tiar thma,
Wym hasa mi u phet rieh cha Krem Umkara;
Tangwa dei biej poisa u Long Sutnga,
Ya me da yah kem, da chet kylla.
Related posts
27 tarik u bnai Kmaichonglad,
Ka snem 1862;
Da khoom da kdoh, le sngi da bichaar,
Wei pyntieñ, pynbiej da ka spah ka hajar.
Tangwa yeitæ me wym biej wym tieñ,
Hei hok hei yurim blai da ksoh da yieñ;
Kamtæ hakhmat u paidbah wa boon wa lang,
Da pasi ya me ha Iawmusiang.
Hachwa wow riñ mynsien khaddooh mi na pyrthai,
Da klam khaddooh mi yei kyntien wa chongbru chongblai;
“Lada kyruiñ i khmat O cha liang mihsngi,
Hapoh chispah snem da laitlooid ka ri”.
Dei chah chitom wei chah yap mi!
Da yoh i u imsuk katni;
I yuylli ya i kiwa im katni,
Yi won u leh i neibhah ka ri?
Discussion about this post