Da u- Sanborlang Raliang
Ladthadlaboh Mooralong Jowai
Sah hei parom wei kynmoo tympang,
Yei naam yei pyrtuid u khon dap chynrang;
Na pyrdi u paaid waboon walang,
Ya me da jied kynsai wow toor chaphrang.
Pre Chorus – Khon dap chynrang ka bri Ynñiaw Trep,
U nong yah luti yong i ki Pnar;
Khon dap chynrang ka bri Yñniaw Trep,
U nong yah luti yong i ki Pnar.
Chorus – Kiang Nangbah khlawait wa kynsai,
Wym chem de kam me ha pyrthai;
Khon dap chynrang ka ri Jaiñtia,
Sah hei parom, u kynmoo maya.
Related posts
Chirup deilang ka hukum u Blai,
Ya me da jied nong yahluti wa kynsai;
How tylle pasi da pynchah mi,
Neibynta ka ri wa maya yong i.
Lada kyruiñ ki khmat O cha mihsngi,
Daw laitlooid ka ri wa maya yong i;
Lada cha sepsngi daw man broo i,
Ki kyntien wa khaddooh wa da khlai mi.
Kyntien wa chong Blai man sakhiat ki,
Da laitlooid ka ri wa maya yong i;
Kyntien wa chong Blai man sakhiat ki,
Da laitlooid ka ri wa maya yong i.
Ham jngai i mynsien mi na i,
Aa Kiang Nangbah emlang wa i;
Pynyoo ya i ki laad ki luti,
Kamwa kwah mi na kitu ki sngi.
To mait chaphrang aa khon ka ri,
Dei mynsien chynrang u yatylli;
Ham ieh u chah leh beiñ ha kiwi,
Khamtam ha ki mynder chi sngi.
