1.Ha ka spah snem wa khatphra,
U snem wo sah parom khana,
Ha ka hima ksiar, hima rupa,
Nei rong stem, sdang u kylla.
2.Dohlieh napoh Ri sepsngi,
Sdang wan ki, kam kiwa khayi,
Da ratap, yirmai wa sdang ki ieñ,
Mynsien chisur da sdang yoobeiñ.
3.Leiphaw danep, wa hær wa kmen,
Rwai Ka siaw, Ka put Ka tem,
Na Ialong, sdang mih i pliw diñ,
Kai snaam, Ri Pnar Ka thma wa yieñ.
4.Dorbar khlawait Jaiñtia, ha Syntu Ksiar,
Ki khroo pyrkhat, Ka Ri em naam,
Khon u slap, thah, Ka la-ær,
Wa choon da Ka wait Ka stieh wo pynhær.
5.Ka San tarik, Mynnai Syntar,
Ka Snem Khatphra Ynruphaw Ar,
Da kai snaam, ha thma Shangpung,
Neibhah Ka Jaitbru, wow Ri wow kdung.
6.Suloi Pharæng, ki tup ki man,
Ki khlawait bah ryntieh, chadien wymran,
Ka diñ ka snaam, arliang wa kai,
Yei hok kynti, duhai u pynsepai.
7.Wah Umyurem, u pood yaleh,
Da kylla rong, kat dang ya chkeh,
Kai i Maya, neibhah Ka Ri,
Ha kiwa choon, wa sontari.
8.Ki khon Jaiñtia cha Ka thong Ksiar,
Ki khroo pyrkhat ka Ri em naam,
Khon u slap, thah Ka la-ær,
Kiwa choon da Ka wait Ka stieh wa pynhær.
9.Khlieh kiwa choon, ha Ticha Slung,
Ha thaw phylla, chah pom chah dung,
Ki wyrcha kor, wa ki moosiang,
Ya u rahwait, wa kieñ naam pliang.
10.Kiri Dhar Dolloi, ha Madan thma,
I por nohchariñ sngi, janmiet kylla,
Mynsoo takha, Kai snaam ki Ar,
Da sdang jem rngu, ki khon Ri Pnar.
11.Khon bah ryntieh, Kiri Daloi,
Ha jingialeh, cha thong wympoi,
I syllai snam, ho kuli rawet,
Da iap u Syiem, neibor chah Chet.
12.Khon ki rayot, da phet da jngai,
Da thooh thaw rieh, deiwa janai,
Da poi thooh thaw sah, thaw chong,
Cha Thlumynchong, wa ha Chahong,
Yow neh i jait wa i kynja,
Yow im yow khai, yow roi kylla.
13.Khon rayot, kthang i mynsien,
Chnong chah thang, haap ran-dien,
Dangkha dangpun, tymmen ki kroo,
Wa pynkot pynsdep, do mahek taloo,
Wa pynkot pynsdep, da ki jhoor khloo.
14.Aaa katu dang em maai i khmat salan,
Kam uni u khon dap chynrang,
Wa bynda da i mynsien Ksiar, mynsien Rupa,
Neibhah ka mynried yong phi yong nga.
Da u D. Chulet, Shangpung Pohshnong.
Discussion about this post