Ki dkhot yong ka HNYF East Khasi Hills kiwa da lai wow khang luti ya ki kari Assam ha Umtyngngar yow lai cha ki thaw uiñke suwari kam cha Sohra wa Dawki da chah rah noh ha ki pulit hadien wa phah sangeh yei pynsangeh wei ksoh kari ki.
Hadien wa da poor ka khubor wa pynsangeh ki dkhot ka HNYF ya ki kari Assam, neiliang ki pulit ka Sohra Sub-Division da lai ki cha katai ka thaw yow yaklam wym toh u khang ya ki kari, tangwa i klam ym poi i cheiwon cheiwon wei ki kari kiwa boon da sahkut ki ha kani ka thaw iwa da pynman ya ki pulit SOT na Shillong wow poi cha katai ka thaw wei da kit noh leh ya ki dkhot ka HNYF ha 3 tylli ki kari.
Kam wow kdaw heini wa ki dkhot ka HNYF da khang wei pyndong ki ya ki kari wa kamai Tourist wa em Number Assam ynne ka sngi ha ka thaaiñ Umtyngngar, wei ini i khang ka HNYF ya ki kari Assam toh neidaw wa kini ki kari da yoh mon ki chawa palat, wei neiliang ka seiñ da dawa ko na ka sorkar yow wanrah da ka Policy yow em da ki kyndon kammon u wan kamai ki kari wa wan yah ya kiwa uiñke suwari chapoh ka jylla.
Discussion about this post