Ki pulit ka West Garo Hills kam chibynta wow pynmiat ya ka District deilang waka chnong Tura, da pyntip u wa da kit noh ya waroh ki kari kiwa da ieh khlem da chim de da ki tre kiwa da ieh charood sarok.
Da kyntu leh ya ki tre kari wym toh u pynyieñ kari kat cha wa yoh u sarok neibhah wanrah ko yei khynnia wei sahkut kari wei man ko leh iwa hap u chimkhia khamtam wa da jan poi ka lehkmen Meghalaya Day wa Republic Day.
Ki pulit da pyntip ki leh cha ki tre kini ki kari wa da chah kit ki kari ki ynnin i miet wow lai ki cha ka Tura Traffic Branch yow chimkti biang ya kini ki kari hadien wa da pyndep yeiwa emkaam.
Chooh chooh da ong wa da em ki karkhana chna kari kiwa da pynchna kari ki chadooh wa poi cha u sarok iwa da wanrah yei pynthut yei lai i wan ki paidbah.
Neini chakhmat daw booh da ki kyndon wei kitu kiwa leh pyrchah daw chah pynchitom ki.
