Ka Khasi Students’ Union lyngba ka Sports Committee ka KSU EJHDU da kitbok kitrwiang ko ya ki khynroo khyllood ka East Jaintia Hills District wa kamjooh leh ya waroh kiwi ki khynroo khyllood kiwa da chimbynta ha ki yalehke waphær waphær ha kani ka Meghalaya Games 2022 kawa da sdang nadooh ynne ka ka 3 tarik.
Ka seiñ da ong ko wa ha kani ka juk wa katni kawa man ka juk yakhun, da emkaam ym du wow yoh khait ya u soh i jop tangwa wow ku leh cha khlieh dooh u loom yow yoh yei jop. Chooh chooh ka juk yong ka katni dawa ko chiboon kiyi kiyi neibynta i bha wa i myntoi ka imlang sahlang, kamtæ ka Sports Committee ka KSU EJHDU kyntu ko ya ki khynroo khyllood wow kreh chitom wei wow minot khop khnang wow wan ki chakhmat ha ki yalehke ki yong ki.
Da ong leh katwa dang lai ki sngi wa ki por, ka jaitbru Khasi da hiar arsut ha ka liang yalehke Sports wei wow lait na ini emkaam wow kreh chitom bha neibhah wa emkaam sakhiat ya ki khynroo khyllood wow kreh chitom wow wanrah ya i naam i burom ka District wa ka jylla hi waroh kawi.
