Kitbok ka WJBA ya ki ar ngut wa yakhun ha ka 7th Elite Men’s National Boxing

Ka West Jaiñtia Boxing Association (WJBA) kawa man kawi na ki seiñ kawa kreh wow pynku ya ka yalehke yakura namo ka Boxing West Jaiñtia Hills, da em ko ar ngut ki dkhot ko ki wow lai yakhun haka 7th Elite Men’s National Boxing Championship.

Neiliang ka WJBA da kitbok ko ya kini ki ar ngut ki khynroo wow lehbha ha kani ka lympung kawa daw pynman ha SAI, NEHU, Shillong nadooh ka 25 tarik uni u bnai hadooh 1 tarik u Kmaichonglad (Dec).

Kini ki ar ngut kynthup toh u Badonkupar Synnah uwa daw yakhun ha ka kyrdan 63.5 kg wa u Bhalang Shadap ha ka 67 kg.