Ka seiñ Jaintia Students’ Union (JSU) Shillong Circle da chim ko ya kani ka kabu wow kitbok kitrwiang ya waroh kiwa dang lai puræ ka Bri u Yñniawtrep ki daw yakhun ya ki Exam waphær waphær ki yong ki ha kini ki kajiak sngi wow wan.
Ha kam kani ka juk kawa katni kawa man ka juk yong i yakhun, da emkaam ym du wow yoh u khait ya u soh i jop tangwa wow ku leh cha i kyndit loom i jop.
Chooh chooh ka juk wa katni dawa ko chiboon kiyi kiyi neibynta i bha i myntoi ka imlang ka sahlang, kamtæ neiliang ka seiñ da kyntu ko ya kiwa dang lai puræ wow kreh borbah wow minot thop khnang wow poi chakhmat ha i puræ puthi yong ki.
Ini toh katkam ka kyrwoh wa da phah da u General Secretary ka seiñ u Request Pakma.
