Jowai: Ka JSU lyngba u Treiborlang R Suchen uwa man leh u President ka Shillong Circle uwa man leh u tre chnong na ka Elaka Darrang, da ong u wa ka seiñ JSU da e ko ya i kitbok kitrwiang ya u Dolloi wa thymme u Pyrwa Lymba uwa na ka chnong Lymba kawa em ha West Jaiñtia Hills District.
U Pyrwa Lymba toh u Dolloi wa thymme ka Elaka Darrang uwa dang dep pynkup bor ynnin ka sngi da ka JHADC ha Jowai ha i emlang ki waheh chnong yong ka Elaka Darrang kawa kynthup ya ka chnong Darrang, Dawki, Lymba, Kongwang wa ka Shnongpdeng.
U Treiborlang R Suchen da pynsñiaw u wa kam uwi na kiwa chong chnong ka Elaka Darrang dap u da i sñiawkmen wa embhah wow sakhi ya i chah pynkup bor wa burom ya u Dolloi neibhah ya u Dolloi ka Elaka ha ri-loom Jaiñtia da thung du chisien neibhah ka kaam Dolloi toh kawa ksoh waroh chi rta nadooh ka sngi wa tipmit ya ki kam u Dolloi lyngba i bor yong ka JHADC.
Ka seiñ JSU sa chisien da pynsñiaw ko yei kmen wei da kyntu kympham ko ya u Dolloi thymme u Pyrwa Lymba wow yoh u ya i doh i pran wa khlan yow yoh u chakri ya ki khon ka raiot ka Elaka Darrang waroh kawi
Ka seiñ da dap ko dei kmen wow sakhi wa da yoh ya u Dolloi wa pura hadien ar snem i khlaad noh u Dolloi warim u Benedick Kongwang.
Discussion about this post