Heiyatoh wa i chah siat yap ki chipai ka Assam Rifles heiwa da yap lang u Commanding Officer ka 46 AR u Viplav Tripathi deilang waka kurim wa u khon u kiwa emlang hapoh ka kari wa lai luti ki ynnin i step ha chnong Sehken wa em hapoh ka Churachandpur District ka Manipur.
Ka seiñ Revolutionary People’s Front (RPF) da pyntip ko wa ya ini da leh deiwa ya krehlang ki dkhot ka People’s Liberation Army (PLA) waka Manipur Naga People’s Front (MNPF).
Ha ini wa jia wa da yap 7 ngut wa kynthup ya 5 ngut ki chipai ka Assam Rifles wei da mynsoo leh boon ngut. Ha ka kyrwoh khubor wa da phah lang da u Deputy Secretary, RPF Publicity Secretary u Roben Khuman wa u Assistant Secretary Publicity MNPF u Thomas Numai da ong ki wa ki dkhot ka PLA wa MNPF da emkti ki wow siat tangwa ym tip ki wa emlang ka kurim u Commanding Officer wa u khon u ha kini ki kari wa da lai lang.
Da ong leh wa ki chipai ym toh u lai lang ki wa kiwa hayung hasem yong ki khamtam ha ki thaw wa da dep wow pynbna wa man kam kiwa thut wa ki wym chngaaiñ da ka sorkar India.
Puræ leh: Chah siat yap u CO ka Assam Rifles deilang waka kurim wa u khon ha Manipur
