Kiwa dang chait na u COVID-19 ha India ha kini ki 10 sngi deiwa kheiñlang (Average) da em bait ki palat 90,000 ngut man-ka-sngi heiwa ha kini ki 24 kynta da em 93,420 ngut kiwa dang chait iwa da pynpoi leh ya waroh kiwa da chait cha ka 48,49,584 ngut iwa man 82.14%.
Ini da wanrah ko leh yei tam kiwa chait bar ya kiwa da em ya uni u khñiang wow nang ku chooh chooh i iwa da booh leh yaka India wow pteiñ ko wow em kiwa boon dooh kiwa chait na uni u khñiang hapoh pyrthai.
Kiwa chait da em ki 5 chah i boon bar ya kiwa dang em ya uni u khñiang heiwa kiwa chait da em ki 48,49,584 ngut katwa kiwa dang em ya uni u khñiang da em ki 9,60,969 ngut iwa da yaphær da 38,88,615 ngut. Ini mut i leh wa kiwa dang em ya uni u khñiang da em ki 16.28% na waroh kiwa da dep yoh wa kiwa da yap na uni u khñiang.
73% kiwa dang chait da wan ki na 10 tylli ki jylla wei da em leh 24 tylli ki jylla kiwa da em boon kiwa chait bar ya kiwa dang yoh ya uni u khñiang ha kini ki 24 kynta.
