Ka Dorbar Chnong Ialong hadien wa ya phyllu yumut wa u DC ka West Jaiñtia Hills District chirup wa ka Ialong Lay By Market Committee ha ka 30 tarik u Naiynru kam chibynta u yakhun pyrchah yei yabi u khñiang khlam COVID-19, da pyntip paidbah heiyatoh wa ka yaw Lay By Market, Ialong wa nadooh ka sngi Thohdieñ uni u bnai ka 02-07-21 waroh kiwa chongdai hapoh lane cha baar kani ka yaw toh u man ki kiwa da dep yoh yei tika COVID-19 heijooh i por toh u biah ki ya ka Vaccination Certificate ha phrang ki dukan ki yong ki, lym kamtæ ym chah wow chong yaw kamjooh u wan yaw. Kiwa leh pyrchah ye u chah beh chisyndon.
Katwa kitu ki won ki wym pu dep yoh tika yada COVID-19 hap ki u phah Test man ka 10 sngi khnang yow ye u pynyoo da ki Test Report cha ka Market Committee. Heijooh i por da pynkup bor ya ki Volunteer wow man ki kiwa pait bniah wei kamjooh wa bood ya ki Protocol yong ka sorkar deiwa pyn yajngai iwi na iwi kamjooh deiwa phah deiñ bha ya ki Face-Mask ki yong ki.
Katwa nadooh ka Monday kawa man ha ka 05-07-21, waroh kiwa chongdai toh u wan yaw ki da ki kyndon Odd/Even katkam wa da pynbait da ka Market Committee. Lym kamtæ ka Dorbar Chnong Ialong deilang wa ka Lay By Market Committee da man ki kiwa da pynkhreh u khang chi syndon ya ka yaw dai yonglang kawa em ha ka chnong Ialong.
Ya ka yutip wa bniah ye phi u yoh na u Waheh Chnong/Chairman ka Lay By Market Committee u T. Ram Phawa, kamjooh na u Market Member ka Market Committee u Elnathan Pale.
