Ka DC ka East Khasi Hills ha ka hukum wa da pynmih ko ynne ka sngi kam chibynta wow bood ya ka hukum ka High Court ka Meghalaya kawa da pynmih ha ka 23 tarik uni u bnai deilang wa ka hukum ka Health & Family Welfare Department kawa da pynmih ha ka 22 tarik uni u bnai deilang wow pteiñ ya ka hukum ka yung krehkaam ka DC, da phah wow leh ya kini ha wah khlem pep.
Waroh ki dukan, ki yung krehkaam, ki Local Taxi, ki Auto Rickshaw, ki Maxi Cab wa ki Bus toh u pynyoo ki ha i thaw wa chynna bha deiwa thoh VACCINATED lada toh kiwa da yoh tika kamjooh ha ki dukan wa ki thaw krehkaam.
Lada toh won ki wym pu em yoh tika kiwa kreh ha ki dukan, ha ki yung krehkaam, kiwa yah kari kamai kam ki Local Taxi, ki Auto Rickshaw, ki Maxi Cab wa ki Bus toh u pynyoo ki ha ki thaw wa chynna bha deiwa thoh NOT VACCINATED wei ini kynthup leh ya kiwa man kam ki Conductor wa kiwa yarap ya kiwa yah kari.
Ya kitu ki wym bien u chim tika kiwa yang dukan, kiwa yah kari wa kiwi kiwa da dep kdaw haneiñ, hap ki wow phah leh Test man ka 10 sngi kam i kitkhlieh neibynta i chngaaiñ wei wow yada ya ka imlang sahlang.
I rukom booh ya ki dak (Sign/Poster) ye wow pynchna pynmiat dur tangwa toh u che bha ki dak VACCINATED wa NOT VACCINATED.
U District Transport Officer daw pynbna u ya ki kyndon neibynta ki kari heiyatoh wa katwon u heh ki dak wei heiwon u booh ya kini ki dak wei iyi de wa emkaam wow thooh chooh chooh.
Ya kitu won kiwa chongdai charood sarok, kiwa tyrwa mar chawah chaneiñ emkaam wow em ki da i ID lane i Badge heiwa ka yung krehkaam ka DC daw pyntip ko kammon u leh cha ka Shillong Municipal Board, Town Vending Committee, u Syiem ka Hima Mylliem, ki Incident Commander, ki BDO, ki Market Committee, ki CCMT yow leh ki yeiwa emkaam.
Kiwon kiwon kiwa khana thok heiyatoh wa yoh tika daw chah pynchitom katkam ka aiñ.
I rukom wai ki dukan, ki yung krehkaam daw pynbait da ka DC na ki por cha ki por katwa ki kari kamai u lai ki du hadien wa da pynmih hukum.
