Ka Election Commission yong ka ri India da e hukum ko wow pynbiang yaka Draft Photo Electoral Roll yong ki Assembly Constituency ha ki District katkam ka 01-01-2024 kam ka Qualifying Date namo ka tarik kiwa daw dap 18 snem.
Hajrong ini da pyntip cha kitu kiwa chong chnong kiwa daw dap 18 snem i rta hadooh katai ka tarik ki wym pu em pyrtuid hapoh ka Draft Electoral Roll wa ye ki wow thap pyrtuid ya idæ ha jar jiar ki Polling Station wa em cha ki wei kamjooh leh ye wow ah næ rah pyrtuid ya kitu kiwa da yut chnong wei wow pynbait leh ya iwa bakla ha ini i por.
Heiyatoh waka Draft Photo Electoral Roll wa da pynmih ha ka 27-10-2023 ha ka yung krehkaam u District Election Officer, da ki Electoral Registration Officer wa lyngba ki Booth Level Officers ha ki Polling Station. Yei tyrwa wei dawa næ ujor pyrchah yei pyrtuid daw pdiang nadooh ka
27-10-2023 hadooh ka 09-12-2023.
Kamtæ da kyrpaad joor ya phi ki paidbah wow sñiawbha u ya ksohkti waka yung krehkaam deiwa emlang wa ki bru yong ki boor District kiwa daw wan pynman ya ki pynsñiawthooh paidbah kam chibynta ka SVEEP Programme neibynta i pynpsiah pyrtuid wei kamjooh leh wow pynche ya ki
kaam kiwa yatoh waka Election MP cha ka Lok Sabha kawa daw pynman ha u snem 2024.
Da khut leh yei ya krehlang ki Market Committee yow man kani ka kaam kawa jop yow pynman ya ka Photo Electoral Roll kawa bait, wa khooid wa kawa paka.
Discussion about this post