U Montri sorkar uwa man leh kam u MLA ka West Shillong, u Paul Lyngdoh hawa klam yeiwa da jia ini wa dep ha Mawprem wa da ki damok kiwa da leh pynsih nadooh wow tympat ya ki thuk-thuk wa pynyieñ cha rood sarok, da ong u wa toh neidaw wa da boon ki bru wa dih wei chah kdoh chah khoom hei drugs.
Da pyntip u wa da dep u wow khut yaklam wa ki heh dooh ki pulit kamjooh kiwa pynlai chnong yow chong pyrkhat ya ini i kaam.
Da ong u leh katkam wa tip wa boon kiwa dih drugs jooh leh ki ya ki kaam damok pyrchah ya kiwa dai drugs wa para wa dih iwa da pynpoi cha kam kini ki kaam wow leh pynsih.
Hawa kylli wa lada kini ki kaam toh kiwa emyatoh wa i Politics, da jubab wa ymem kam itæ.
Ya ini i ong u Paul toh hadien wa em wa jia ini wa dep wa da em ki bru wa tympat ya ki thuk wa pynyieñ cha rood sarok wei da em leh ar tylli ki thuk-thuk wa da chah thang ha thaaiñ Mawprem najrong wa em leh kiwi ki kari wa da chah pyntakha iwa da pynkhuslai ya kiwa chong chnong.
U Paul da ong u leh wa ka sorkar u yaleh ko wow pyndooh ya ini waroh khamtam i dih drugs wei daw ya krehlang wa ki pulit kamjooh ki dorbar chnong yow chem ki laad ki luti yow jop yeini.
Da kyntu u leh ya kiwa chong chnong wow pyntip cha ki pulit lada em wa jia kam ini.
