Kiwa emkaam u tip phi chaphang u Paytm chwa wow pynemkaam phi oo

I rukom krehkaam u Paytm man ko kamni ha wah:

1. Download ya kani ka App na Google Playstore ya ki phone wa pynemkaam Android, katwa ya kiwa pynemkaam iPhone hap Download ki na Apple Store.
2. Hadien wa dep download emkaam u chna profile yong uwa pynemkaam deiwa pyndap ya i pyrtuid wa i password yow lait ki bru u yoh u pynemkaam bakla.
3. Ya ka poisa wa nynkong wow thap hapoh ka phone ye phi u thap lyngba ka Debit Card/Credit Card namo lyngba ka Internet Banking wei ye kiwi ki bru leh u phah poisa bait cha phi nadooh wa sdang.
4. Hadien wa da em poisa da ye phi u sdang u su ha kiwon kiwon ki dukan wa pdaing ya u Paytm.

Kiwa emkaam u tip ki tre dukan (Merchant) kamjooh kiwa thied tiar

U Paytm em ko le jait ki snop poisa (eWallet) wa ye phi u booh hapoh ka phone

1. Ka Normal Wallet kawa ye phi u thap, wow sai namo u thied tiar du T. 10,000 chi bnai iwa mut lada thap poisa phi T. 5000 wei thied tiar phi T. 5000 da khein lang wa da pynemkaam phi T. 10,000 lada yeini leh phi hapoh chi sngi, iwa mut hap yang phi ha wa kut chi bnai chwa yow ye biang phi u pynemkaam ya ka Paytm. Ya kani ka 10,000 da pynku cha ka 20,000 hadooh ka 30.12.16.
2. Ka Upgraded Wallet won toh kawa ye phi u thap, u sai, u su hadooh T. 1 lak chi bnai wei man ko kamjooh kam ka Normal Wallet tangwa heh ka poisa wa ye phi u sai u thap wei wow thied ha ka chi bnai. Tangwa yei phi u thap cha ka Bank Account yong phi du T. 25,000 chi bnai na ka T. 1 lak.
3. Ka Unlimited Wallet won kawa ym em pood ya ka poisa wa ye phi u pynemkaam.

Kammon u leh yow yoh ya ka Upgraded Wallet wa ka Unlimited Wallet?

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ka Upgraded Wallet ye phi u yoh deiwa pyndap ya ka KYC form deiwa e ya ka Xerox Copy yong ka Epic yong phi. Katwa ya ka Unlimited Wallet won emkaam ya ka PAN Card.

I rukom lai ka poisa ha ka Paytm

1. P2P In, iwa mut wa em wa phah poisa cha ka phone yong phi.
2. P2P Out, iwa mut phi wa phah poisa phi cha kawi tawon ka phone.
3. P2B Out, iwa mut ka poisa wa em ha ka Paytm Account yong phi, phah phi ka cha ka Bank Account yong phi.
4. Add Money, iwa mut wa phah poisa phi na ki Bank Account cha ka Paytm Account wa em ha phone yong phi.
5. Purchase, iwa mut wa su phi ya ki mar wa thied phi, ki bai kari, ki bai bam wa kiwi kiwi.

Ka Paytm krehkaam ko wa waroh ki Bank Account?

Neiliang u Wyrta da pyrchang u u phah poisa na ki Debit Card wa yoh na ka SBI (Visa wa Master Card) kamjooh na ka ka Internet Banking ka SBI cha ka Paytm Account tangwa da chem wa ka SBI kyntait ko wow phah poisa lyngba ka Debit Card wa ka Internet Banking cha ka Paytm. Neiliang kiwa kreh ka Paytm da phla ki wa chem chitom ki bru wa em Bank Account wa ka SBI heiwa ka da khanglaad ko wow phah poisa na ki Account ka SBI tangwa kaam ki wa yow phah poisa cha ka SBI na ka Paytm ym em iyi iyi leh i pynthut.

Da chem leh wa ki bru wa em ya Debit Card na ka United Bank of India leh chah kyntait ki heipor wa phah poisa ki cha ka Paytm Account ki. Tangwa wa kiwi ki bank lai bait hi ko ka phah poisa cha ka Paytm Account.

U yi oo u tæ u QR Code?

U QR Code toh uwa da e ka Paytm cha ki tre dukan uwa man u wa yoh du ya ki samen wei lada ym em internet ka phone phi ka sms da yoh bait ki wa da poi ka poisa cha ka Paytm Account yong ki.

Ya ki tre dukan ye hi ki kiwa thied u su khlem em u QR Code?

Ye hi u su poisa khlem em u QR Code tangwa ki tre dukan hap ki u khana cha ki paidbah ya ki phone number yong ki wei em ki por lada bakla number ye ka poisa u lai cha kiwi tawan ki bru. Deiwa em u QR Code ym emkaam ki tre dukan u booh ya u phone number, ye kiwa su u scan ya u code donhi wei wow pyllait ya ka poisa katkam i dor i mar wa thied ki.

I yi yoh myntoi ki tre dukan kamjooh kiwa thied deiwa pynemkaam ya u Paytm?

Ya u Paytm ye u pynemkaam ym du heipor wa su cha ki dukan dukdoh, ye leh u pynemkaam yow recharge ya ki phone, u thied ticket train, airplane, su bai light, bait DTH, bai Gas, bai um, Insurance wa kiwi kiwi, wei lada su phi deiwa pynemkaam da u Paytm, ka Company Paytym em ka tæ wa tip kam ka Cahsback Offer kawa mut wa na ka Bill wa su phi cha u Paytm daw pynuiñ poisa u cha phi.

Ka nongmuna man ko kamni næ, lada su phi ka bill wa T. 500 daw pynuin cha phi T. 65 deiwa khlem chah ah kiwa yoh ya kawa su phi. Kamjooh kiwa yoh ya ka poisa yong phi leh daw yoh ki kawa tam ya ka T. 500 wa su phi cha ki iwa mut waroh ar liang yoh myntoi ki.

Ini ym jia i man ka por wa su phi da u Paytm.

Katwon hap u su cha ka Paytm?

Ha waroh i pynemkaam phi ya ka poisa heipor wa thied ya ki mar, heipor wa phah poisa phi cha ka wi ka phone, heipor wa em wa phah poisa cha ka phone phi, heipor thap poisa na ki Bank Account yong phi ym chah ah tang chi tanka.

Heipor wa phah phi ya ka poisa kawa em ha ka Paytm Account yong phi cha ka Bank Account yong phi lada pynemkaam phi da ka Normal Wallet daw chah ah phi 4% lada em phi da ka Upgraded Wallet daw chah ah phi 1% katwa ha ka Unlimited Wallet won daw chah ah 1.25% wa ka Service Tax.

Kammon u leh lada chah tooh ka phone?

Lada chah tooh ka phone phi, ye u login cha ka Paytm Account yong phi na kawi tawon ka phone dep tæ transfer ka poisa phi cha ka Bank Account yong phi. Kiwa tooh ym transfer ki ya ka poisa cha ka Bank Account yong ki neibhah daw chem dien yeiwa lai ka poisa. Iwa ye ki u leh toh deiwa thied tiar na ki dukan kamtæ da chitom u chem u yi wa pynemkaam ya ka poisa yong phi wa em ha Paytm. kamtæ emkaam u logout lada ym em pynemkaam phi ya u Paytm.