Ka Supreme Court ka ri India ynnin ka sngi da rai ko wa ka tulop wa su ya kiwa kreh Contractual Basis toh u ya ryngkat ko wa kiwa kreh sorkar (permanent).
Ya kani da rai ha ka mukotduma kiwa kreh Contract wa ka sorkar ha Punjab kiwa ong wa ki emhok ki u yoh ka jooh ka tulop ya i jooh i kreh wa kreh kiwa kreh pura (permanent) ha ki tnat sorkar. Kini kiwa kreh nyngkong da chah pynrem ki ha ka High Court ka Punjab wa ka Haryana kiwa rai wa ym em hok ki u dawa ya ka jooh ka tulop wa kiwa kreh Permanent.
Katkam i rai ka Supreme Court da ong wa ya ini toh da booh nongrim ha ka “Equal pay for equal work” namo i jooh i su ya i jooh i kreh wei da man ko ka khubor wa kmen ya ki lak ngut ki bru wa kreh chipor (contract) hapoh ka ri.
Ka yung bichaar leh da ong ko wa man i iwa bakla wow booh ya ki kyndon wa boon jait yow pyndooh yei hok ki bru wa kreh neibhah kiwa kreh ya i jooh i kaam pynlut por ki wa i bor wa katjooh hi wa kiwi.
Kiwa pdiang u kreh ya i su wa duna toh ym em leh ki deiwa wa jied hi tangwa em wa pynbor ya ki wei kamjooh leh da leh ki wa haap psa khon ki, wei u chim kabu ya ki toh iwa yoobeiñ ya ki kam ki bru kamjooh leh i chim kabu wow lehbeiñ ya ki.
Kamtæ ka yung bichaar leh ong ko wa ka India leh bood ko ya ki aiñ pyrthai wow su i jooh ya i jooh i kreh kamjooh leh hapoh ka Constitution ka ri ha ka Article 141 kani ka hukum toh ka wow krehkaam ha waroh ki yung bichaar wa ki jylla ka ri.
Discussion about this post