Jowai : Ka Office of Census Operations, Ministry of Home Affairs da pynbna ko wa da chah u e ya u Aadhaar cha ki bru wa ym pu em pyrtuid hapoh ka NPR database yong u 2011.
Heiyatoh wa ini nadooh ka 12 tarik uni u bnai daw e laad biang ya kiwa ym pu em pyrtuid hapoh ka NPR u pyndap ki ya ki form NPR (ki rong so) kiwa ye u yoh na ka tnat DRDA wa em ha ophis u DC.
Ya kani ka form u e ka wi chi manyung yow pyndap ya ki pyrtuid kiwa em ha ka yung (bei, pa wa ki khon). Hadien wa dep u pyndap ya waroh hap li e biang cha ka ophis ka DRDA ki wow pyntikna wa da biang lut iwa pyndap phi ha ka form.
Ya ka form daw leh ya iwa tip kam i digitization iwa chim por ar sngi yow thap ya ki pyrtuid hapoh ka Database.
Hadien ar sngi ye phi u wan biang cha ka ophis yow leh won sa ka Biometric Enrollment iwa mut yow chon waroh ki pariam kit, ki pyllung khmat yow yoh ya u Aadhaar.
Daw booh leh kattu ya i thaw thap pyrtuid NPR wa Aadhaar ha ka ophis u DC ya ki paidbah ka West Jaiñti Hills District yow lait ki u yang hadooh wa poi kiwa wan leh NPR/Aadhaar cha chnong yong ki.
Discussion about this post