Ka DC ka East Khasi Hills da pynmih hukum ko yow pynbait ya i rukom leh Home Delivery ha ki por wa pyndam ya ka Curfew ha Shillong nadooh 6:00 waje i step hadooh 6:00 waje i miet ka 21 wa 22 tarik uni u Naisaphra.
Ini toh neibynta ki Restaurant/Kitchen/Café/Fast Food/Bakeries kiwa da dep paan bor na ka DC wei kiwa da yoh bor tangwa ym chah wow chong baam ki bru kamjooh deiwa wan phah song baam ha kitai ki sngi wa da kdaw haneiñ.
Kini ki thaw toh u yaleh ki katwa ye yow pyndep ya i yoh tika ki wakreh yong ki wei wow phah yei pyrtuid yong kiwa da yoh tika wa ki wym pu em yoh tika deiwa email cha ka DC ha [email protected] wei lada ym ye wow leh ya ini, daw pyndam ya iwa e bor ya ki.
Kini ki thaw leh toh u pynyoo ki ya katwon ngut ki wakreh yong ki kiwa da dep yoh tika ha i thaw kreh kamjooh ha ka ID yong kiwa lai booh baam cha ki yung ki bru.
Waroh hap ki leh wow bood thij ya ki kyndon wa da pynmih da ka sorkar.
