Kiwa mihkhmat hapoh Meghalaya tip ki du u tooh poisa donhi: Nalin kohli

Shillong: Kani ka Election MLA 2018 daw pynkhyrngiat ko ya kiwa boon wei daw jia leh kiwa boon jait ha kini ki le 3-4 bnai da ong u Nalin Kohli u wa e ktien ka BJP kamjooh leh uwa pait ya ka jylla Meghalaya.

Neiliang ka BJP da pyntip ko wa dep chong pyrkhat ki wei da chim ki ya ka rai ya ki kyrtong u pynyieñ ki wei ka Congress hapoh i yahkhamt u Rahul Gandhi ha pyrdi wa u Dr. Mukul ha ka jylla ye ki u yimphoo wa daw jop lut ki ha ki waroh ki Constituency tangwa ka BJP u krehlang ko wa ki paidbah ka Meghalaya kamwa leh ko ha waroh ka ri wei ki paidbah ka Meghalaya leh em ki ya ka hok wow yoh ya ki kaam pynroi kiwa da dooh ki ha kini ki 10 snem wa synchaar ka Congress.

U Kohli da ong u leh wa i pyrchang ki paidbah wow ong wa ka BJP toh ka party Hindu toh iwa da bood nadooh wa mih wa sdang ya ka party. Tangwa ki paidbah hapoh India da pynyoo ki deiwi heiwa ka BJP da jop ko ha kiwa boon ki jylla wei ym em pyrchah ki ya ki Christan. Da ong u leh wa u Montri Rangbahdooh ka ri u Narendra Modi da ong u wa kiwon kiwon kiwa pynchitom ya ki bru hei pyrtuid wow yada ya ka masi daw pynchitom ya ki wei ngait ka BJP ya ka roi ka paar yong waroh.

Chooh chooh da ong u wa ka BJP ym em paitchilliang lada ko ya ki bru man ki ki Hindu, Muslim, Christian, Buddhist, Parsi, Jew wa kiwi nadooh kiwa dooh wa kiwa mahajon.

Related posts

Da jop chwa ki paidbah ha ka Election Gambegre: Saleng

November 4, 2024

Gambegre By-Election: U jied ki paidbah ya ka Party wa em ha ka sorkar

November 3, 2024

Hei yatoh won wa u Dr. Mukul, u Nalin da ong u wa ym tip u iyi iyi leh wow chakri ya ki paidbah lada pait du ya ka ri loom Garo ka wym biang ki sarok, hadooh ki yingkieñ dang neh bait kiwa chna da ki dieñ ka puræ puthi leh man ko ka thaiñ wa sah dien wei cheiwon katæ ka Medical College ka Tura.

Da pteiñ u deiwa ong wa ka BJP ym em u sdang ko u tlot bor neibhah katwa dang mih ki Election da boon wa jop ko kamtæ ym toh u ngait ya ki khubor thok.

U Kohli da pynkut u deiwa ong wa ha u Naisaphra (August) daw wan yachem u markhmat wa ki Christan hapoh ka jylla neibhah kam ha kiwi ki bynta ka ri kam ha ka jylla Goa kiwa boon ki Catholic kiwa man leh kam ki dkhot ka BJP hadooh ki Muslim leh. Da saam leh ya ki tadong LPG Gas dei mynkna ya ki ymtoh wa man ki ki Hindu namo ki Christan.

Ka BJP yoo ko wa boon ki khubor thok pyrchah ya ka neibhah kiwa pyrchah ya ka tieñ ki u yoo ya ki kaam wow yarap ya ki paidbah wa ye ko u wanrah ym toh kam wa jia ha Meghalaya heiwa kiwa mihkhmat tip ki du u tooh poisa khlem wanrah ya ki kaam wa thrang ki paidbah.