Ka Directorate of Sports & Youth Affairs ka sorkar Meghalaya da pyntip ko wa ka jylla da phah ko ya kiwa yalehke ki wow chimbynta haka 67th National School Games 2024 ha ka Basketball kawa daw pynman nadooh ka 25 tarik hadooh ka 30 tarik uni u bnai ha Gurugram, Haryana kawa pynman da ka School Games Federation of India.
Ka Directorate da ong ko wa kani ka lympung yalehke toh yow e rynsan ya kitu kiwa em sap wei yow heh u san ki ha waroh ki liang kam ki khynnah skur.
Da pyntip wa kiwa yalehke wa da chah jied da em ki 12 ngut ki chynrang deilang wa arngut kiwa pynlai yaka yalehke.
I jied ya kini ki 12 ngut toh iwa da leh da ka Directorate of Sports & Youth Affairs hadien wa da dep pynbna paidbah wa daw em i jied namo ka Trial kawa da pynman ha madan Basketball ka NEIGRIHMS haka 10 tarik uni u bnai.
Da pyntip leh wa kiwa chah jied toh waroh kiwa chong chnong ka Meghalaya kiwa lai puræ ha kiwa boon ki skur wei na ki 12 ngut, da jied 7 ngut na East Khasi Hills wa mar uwi na North Garo Hills, Eastern West Khasi Hills, East Jaiñtia Hills, East Garo Hills wa Ri-Bhoi District.
Ya kini daw synraan da ka Yolinda Hynniewta kam ka Coach wa u Renaldy Jyrwa kam u Manager. Neiliang ka Directorate da pyn-eh-daw pyn-eh-nasib ko ya kini kiwa yalehke.
Discussion about this post