Ka thaw uiñke suwari wa thymme ha West Jaiñtia Hills wa em ha Wahiajer wa tip kam ka Pdeiñ Mookhim Tourist Spot da wan wow wai pyrda ka da u Symbood Montri Rangbah ka jylla uwa man leh kam u MLA ka thaaiñ, u Sniawbhalang Dhar.
Kani ka thaw toh kawa da thmu wow em ki thaw yalehke ki khynnah, ki kule wow chong ki paidbah, i chong Hot Air Balloon, ka Resort wa kiwi kiwi de.
U Sniawbhalang hawa e yei klam da kyntu u ya kiwa chong chnong wow man kiwa em burom, em akor khnang wa kiwa wan cha kani ka thaw yow rah ki yei naam i burom leh ya ka chnong Wahiajer wei wow pyndooh noh yei mynsien atnood, i mynsien bichni yow man ka chnong ka thaw kawa phooh wa phieñ.
Da ong u leh wa lada dang jop u, hapoh 10 snem u wanrah u yei kylla ha kani ka Pdeiñ Mookhim Tourist Spot deiwa pynman ya kani ka thaw kam kawi na ki thaw wa bna naam hapoh Meghalaya.
Heiyatoh wa i pynman tamasa ka sorkar kam ka Cherry Blossom Festival heiwa da em kiwa ong wa daw sep ki khynroo khyllood, da kylli u wa kammon u sep ki hawa lai ki deiwa pynrap wa kammon wa manda lai Festival daw sih waroh neibhah em ki chnong wa boon ka huri hura, kiwa dih wa baam ki wym tip tang ya katæ ka Tourism leh wei kiwa pynbaad kamni toh kiwa klam kulmar.
Kamtæ da ong u wa katwon u yoh myntoi kiwa kamai kari da ki spah tylli manda heh kani ka thaw myried mankawi wei katwon tylli ki Restaurant kiwa daw wai nadooh kiwa wai ki paikhana wa kiwi de ki laad kamai wei kani daw man ko ka khih ka khan kiwa chong chnong Wahiajer.
Discussion about this post