Ka sorkar Meghalaya da pynkylla biang ko sa chisien ya ki kyndon kiwa psiah chapoh ka jylla hadien wa dep u pynbna thymme haka 9 tarik uni u bnai heiyatoh wa kiwa wan na baar jylla wa na baar ri wa emkaam ki wow rah ya ka Test Result wa pynyoo wa ym em yoh ki ya u COVID-19 kamjooh kammon wow leh Quarantine.
Ynnin ka sngi da pynthymme biang ya kini ki kyndon hadien wa chem wa kiwa boon kiwa wan na ka jylla Maharashtra, Delhi, Uttar Pradesh, Bihar wa West Bengal toh kiwa boon wa yoh ya u khñiang khlam.
Kamtæ da booh ki kyndon thymme wa kiwon kiwon kiwa wan na kiwon kiwon ki jylla/UT ka ri kiwa em ya ka Certificate wa da dep yoh yei dawai yada COVID-19 ym emkaam de ki wow leh Test ha ki Entry Point. Tangwa ini ym em mut ko ya kiwa wan na Maharashtra, Delhi, Uttar Pradesh, Bihar wa West Bengal.
Ya kini ki kiwa wan na kini ki 5 tylli ki jylla daw hap ki wow rah yaka Negative RT-PCR/TruNat/CBNAAT Report na ki Laboratory wa tipmit da ka sorkar kawa da leh 72 kynta chwa wow poi ki ha ka Entry Point.
