Kiwa psiah cha ri-loom Jaiñtia hap ki wow leh ya ka Test ha Thadlaskein

Shillong: Ka sorkar jylla ynne ka sngi da pynbna chooh chooh ko ya ki khyrdop wow pdiang ya kiwa chong chnong kiwa liwan na baar jylla ki wow sdang krehkaam noh nadooh mynstep ka sngi, nalor kiwa da em chwa soo tylli, wei ha kini ki thaw leh da booh ya ki wakreh na ka chnat i chait i khiah wow leh ya ki Test ha chwa wow lai ki cha ki chnong.

Hawa pyntip ya ini, u Symbood Montri Rangbah ka jylla, da pyntip u wa ka sorkar da booh chooh chooh ko ya kini ki khyrdop wow pdiang ya kiwa chong chnong, heiwa da booh kawi ha Inter State Bus Terminus (ISBT) kawa em ha Tura ka wow pdiang ya ki bru kiwa psiah cha West Garo Hills, South Garo Hills wa South West Garo Hills katwa ka khyrdop ha Bajengdoba u pdiang ko ya kiwa na North Garo Hills wa East Garo Hills.

Hawa yatoh wa kiwa chong chnong kiwa na East wa West Jaiñtia Hills, da pyntip u wa ka sorkar da booh ko yaka khyrdop ha Thadlaskein, katwa kitu kiwa wan lyngba ka Byrnihat cha Jaiñtia Hills ym emkaam de wow leh yaki Test ha Ri-Bhoi, tangwa emkaam waroh wow leh ha katai ka khyrdop thymme, wei ya kani ka khyrdop u hap ko hapoh i pait yong u Deputy Commissioner ka West Jaiñtia Hills.

U Prestone da ong u leh wa ya ka khyrdop ha Byrnihat daw Test du ya kiwa chong chnong chnong kiwa na Ri-Bhoi, South West Khasi Hills wa West Khasi Hills District, hapoh i pynlai ka Deputy Commissioner yong ka Ri-Bhoi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Montri da pyntip u leh wa ka sorkar da pynkhreh ko ya i thaw pdiang ya kiwa chong chnong ka East Khasi Hills ha madan Polo, wei kitu kiwa wan lyngba ka Ri-Bhoi ym emkaam de wow sangeh ki ha ka khyrdop Byrnihat.

Ym chah ka sorkar wow lai choo hi kiwa ha yung na Guwahati

Ha iwi won i liang, u Prestone da pyntip u wa ka sorkar jylla da rai ko wym chah ya kiwa hayung yong kitu kiwa liwan wow lai choo hi na Guwahati, tangwa ka sorkar daw leh ko yaka kamram kamwa da pynkhreh.

U Prestone Tynsong da pyntip u wa em 873 ngut kiwa chong chnong ka jylla kiwa da poi ynnin ka sngi, wei dang em 4161 ngut kiwa daw wan ha kini ki sngi, wa kynthup na ki jylla yong ka Northeast wa na kiwi ki bynta yong ka ri India.