Ka Shillong Municipal Board (SMB) hadien wa da chem ko wa boon ki manyung hapoh ka sor Shillong da pynlai ki yei jakhlia na ki yung ki sem khlem da pynkhooid chwa ki (Untreated Sewage) wei da pynkai bait cha ka Wahumkhrah wa Umshyrpi iwa da ktah bha ya kini ki wah.
Kamtæ da ong wa ini toh iwa tyngkheiñ ya ki aiñ Meghalaya Municipal Act, 1973, ka Meghalaya Solid Waste Managemtn Bye Laws, 2020 waka Implementation of Prohibition of Employment as Manual Scavengers and their Rehabilitation, Act 2013.
Hajrong kini ki aiñ, ka Shillong Municipal Board da khut ko ya waroh kiwa chong chnong ka Shillong wow ya krehlang ki deiwa pynkhlaad chwa yei jhep hapyrdi kiwa pyut wa ki wym pyut ha jar jiar ki tin pynlang jhep wei wow e kti cha ki bru ka Municipal.
Da kyntu leh wym toh u noh, u thang, u tlep yei jhep ha ki luti ki syngkieñ, ki thaw paidbah, cha dooid lane chajan ki um ki wah.
Ym toh leh wow pynlai yei jakhlia wa mih na ki paikhana khlem da dep wow pynkhooid cha ki um ki wah.
Lada chem ya kiwon kiwon kiwa leh pyrchah daw pynchitom ki katkam ka aiñ heiwa kiwa pyntngit pynjakhlai daw hap ki wow pynkhooid hi wei ye u chah rah kam kiwi na kiwa chah pynngat hapoh ka mukotduma ka NGT (OA.192/2022).
