Hadien wa em kiwa pynpoor ya i Video wa ya ki kor thap Vote namo ki EVM ye wow pynkhreh ki heitæ i rukom wow lai ki Vote ki bru cha uwi donhi u kyrtong wei da yoh leh ya ka ujor pyrchah ya u bru wa da pynpoor ya ini i Video uwa na Garo Hills uwa da ong wa kini ki jait EVM wa daw lai ka Vote du cha ka BJP da em ki leh ha Garo Hills.
Kamtæ neiliang ka chnat Election da kyntu ya ki paidbah wym toh u ngait ya kam kini kiwa pynkulmar bru neibhah ya ki kor EVM ym ye wow pynkylla na iwa da dep pynkhreh ki heiwa da dep wow pait thij pa thij nadooh wa chna ya ki hadooh i thaw wa booh ya ki iwa skem wei da lai pynyoo paidbah leh kammon krehkaam ki katkam ki kyndon ka ECI yow lait na iwon iwon i bakla.
Nyngkong da pait chwa toh kiwa krehkaam khlem bakla wei kiwa sih da kyntait noh ki cha rood. Ya kiwa hoi u pynemkaam da pyrchang ya ki deiwa pynman ya ki Mock Drill deiwa e laad ya 1200 ngut ki bru wow thap Vote ki yow kheiñ wa kini ki kor ym em bakla ki wow kheiñ ya ki Vote.
Chwa wow phah cha kiwon kiwon ki Constiuency wa ki Polling Station da pynkylla biang ya ka Software yow lait na iwon iwon i sih.
Ha ka sngi thap Vote chi kynta chwa u wan ki paidbah, da pyrchang biang ya kini ki kor yow pyntikna wa krehkaam kamwa toh u krehkaam ki wei yeini da leh deiwa emlang ki kyrtong lane kiwa mihkhmat ki Party.
Khaddooh da ong wa kini ki kor EVM ym ye hi wow pynkylla ya iwa da em ha ki wei lada em kiwa pyrchang wow leh, daw lai kini ki kor cha iwa man thylli ki kamwa mih ki napoh karkhana.
Kamtæ da ong wa hadooh katni ym jooh em wa hap wow thap Vote biang neidaw wa em kiwa pynkylla ya kini ki kor hapoh ka ri wei da pdiang wa kini ki kor toh kiwa skem wei kitu kiwa pynpoor ya ki khubor wa yahbakla daw chah pynchitom ki katkam ki kyndon ka aiñ.
