Kiwa pyrchah ya ka aiñ wa wanrah ka KHADC toh ki wym em mynsien Khasi de: HS Shylla

Shillong: Du hadien ar sngi wa ka Khasi Hill Autonomous District Council (KHADC) da mynjur ko wow pynkylla ya ka Khasi Hill Autonomous District (Khasi Social Custom of Lineage) (Second Amendment) Bill, 2018, da mih i pyrchah na ki kattu katni ngut ki bru.

Hawa jubab kylla ya kiwa klam pyrchah ya kani ka Bill, neiliang u CEM ka KHADC, u Hispreaching Son Shylla da ong u wa ka KHADC ka da mynjur ko ya kani ka Bill wei da pynhaap ya ka rai yong ka Supreme Court ka ri neibynta ka jaitbru ri-loom.

“Ini i pyrchah yong ki pynyoo wa i mynsien Khasi ha ki ym em de i wei lada dang em mynsien Khasi ki ym pyrchah ki ya kani ka aiñ. Ki wym kwah ya kani ka aiñ toh ki wym em mynsien Khasi de wow pynneh ya ka jaitbru. Kiwa pyrchah ki sñiaw yabiang ki wow im da kawi tawon ka rukom im kawa rap heh kyrdan (hi-fi) wa ki biang ki,” da ong u Shylla.

Heiyatoh won wa ka KHADC wa da leh jhan ko khlem da paan yumut lang na ki kur ki jait wa ki Hima, u CEM da ong u, “Ym emkaam wow lai cha kitæ wei kani toh kawa emkaam da slem wei boon kiwa kwah ya kani ka Bill wow man aiñ noh ko.” Wei da pynrap u deiwa ong, “I toh ka jaitbru Khasi wei i emkaam wow leh ya kani wei ymtoh u ap yeiwa ong uwi namo arngut.”

Related posts

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

“I yoo i wa em ki bru kiwa thlah kiwa duna tangwa i chim jait na ka ym wanrah ko ya ki khon kyncha. Ini toh i stat u longchwa manchwa yow lait u em i ya tyngkhooh i snaam,” da ong u Shylla.

Chooh chooh u CEM da ong u wa emkaam i stat i tip wow pynku ya ka jaitbru wei kani toh ka thong neibynta ka jaitbru heiwa ki khynroo khyllood wa katni wa ya ka mynried yong ki.

“Ka kynthai Khasi ymtoh u man ko kam kawa e license wow thied khyndaw wow pynemkaam ha ki kam khayi pateiñ næ kiwi won ki kaam wei ha ini i dawa da mih wow chna ya aiñ kawa emkaam,” da ong u Shylla.

U Shylla da ong u wa daw wanrah ko yei eh lada wan ki pyrsa kurim ki wym toh Khasi wei ya ini da sakhi boonsien, ha chwa wow kynreh license khayi ya ki baar jylla ha yaaw mih ka kynthai Khasi wa kam wa toh i yong ka.

“I pynman aiñ i ya kiyi kiyi wa leh wei wa bood i hawa im i,” ong u Shylla wei da pynrap, “I ym khang i ya phi wei phi ye phi u jied ya uwon uwon u bru wei hawa phi ya chong kurim wa ki wym toh ki Khasi phi daw dooh yei tipmit ya phi kam ka Khasi.”

Chooh chooh u Shylla da ong u, “Ki Khasi toh ki Khasi tangwa i maya ya ka jaitbru ym myntoi ko lada ym em i kitkhlieh. Ym chna aiñ i wa ki khynroo khyllood wow rah suloi ki wow ya siat ki wei i ym tieñ i.”