Ka sorkar Meghalaya da pynbna ko wa waroh ki yung krehkaam sorkar wa ki thaw puræ kiwa em hapoh ka 13-Mawryngkneng (ST), 24-Mawphlang (ST) Assembly Constituency hapoh East Khasi Hills District wa 47-Rajabala Assembly Constituency ha West Garo Hills District u man ki kiwa khang ha ka 30 tarik uni u bnai yow e laad ya ki bru wow pynemkaam yei hok yong ki ha ka Election chiteiñ samoi 2021 cha ka Meghalaya Legislative Assembly.
Ki wakreh kiwa em ha kiwi ki District ka jylla kiwa man kam kiwa thap Vote kini ki Constituency daw e ya ki da ka Special Leave.
Kiwon kiwon ki bru kiwa em ha kiwon kiwon ki kaam nadooh ka khayi pateiñ, ki karkhana lane kiwon kiwon ki thaw wa haap hapoh ka N.I. Act, 1881. Ki dukan wa kitu ki wakreh deiwa booh dei bhah, kiwa khih mylla sngi, ki wym toh kam ki wakreh pura wa kynthup lang cha kiwi ki Constituency kiwa man kam kiwa thap Vote ha ki Constituency wa da kdaw haneiñ, em hok ki wow yoh ya ka sngi chuti kawa khlem chah khate nong sngi lane ka tulop (Paid Holiday) katkam ka kyndon Section 135B ka RP Act, 1951.
Ya ini da pyntip da u Commissioner & Secretary ka sorkar Meghalaya, General Administration (A) Department.
