Kiwa yahkhmat wa ki dkhot ka All Khasi Meghalaya Tourist Taxi Association da khana ki wa kiwa uiñke suwari kmen sñiawbha ki palat lada kiwa yah kari kiwa man ki tre jylla lai yah ki ki cha ki thaw uiñke suwari tangwa ki bor ka aiñ ym e laad ki.
Kiwa yahkhmat wa kynthup ya u Regaldinus uwa man u President, u Balajied uwa man u Spokesperson deilang wa kiwi de, hawa klam wa kiwa thoh khubor da ong ki wa kam ka Association ym em ki iyi iyi i pyrchah ya kiwa wan uiñke suwari tangwa pyrchah ki yei wan kamai da ki kari kiwa na baar ka jylla.
Najrong itæ leh da ong ki wa chah hi ki ya kiwa kamai kari wow li booh du hapoh ki Hotel wei neitæ won u kit da ki tre jylla wow lai cha ki thaw uiñke kiwa em hapoh ka jylla.
U Regaldinus da ong u wa i chitom ki toh iwa chyrkhei bha wei da maad ki yei eh hadooh wow su ya ka ram wa da chim ki iwa da pynman ya ki wow mih cha sarok.
Kam wow pynkynmoo wa hei sdang ka yakhih wow khang yei wan ki kari wa kit ya ki Tourist ynnin ka sngi, neiliang ki dkhot ka AKMTTA da saam ki da ki kot lakdop wa da pynkhreh kyrpang yow pynsñiawthooh ya ki mat dawa ym du ya kiwa kamai kari tangwa kamjooh leh ya kiwa uiñke suwari kamjooh.
Da ong leh wa ha kani ka sngi sdang da chah ya kini ki kari wow lai ki cha ki thaw uiñke suwari deilang i maham wei ki daw chim ki da kawi won la luti neini chakhmat.
Discussion about this post