Neiliang u SDO ka Amlarem Civil Sub-Division da pyntip u ya kitu kiwa em hapoh ka Sub-Division kiwa kwah wow lai cha Jowai ha kini ki 10 sngi wa da pynkreh ya ki kyndon yow kdoh u khoom ya ka chnong Jowai nadooh ka 1 tarik hadooh ka 10 tarik u Naisan.
Yow ye u psiah chapoh ka chnong Jowai emkaam wow pynsakhiat wa leh ya kini ki kaam ha wah deiwa bood ya ki kyndon yada.
Kiwa ye u pynsakhiat kiwa lai yei kaam sumaar sukhær, ki kaam wa jhan namo ki Emergency wa i lai e dawai tika COVID-19.
Kiwa lai ya ki kaam wa yatoh wa i rep i riang, kiwa kit ya ki mar wa emkaam, kiwa lai cha ki kaam wow chna wow tei kam i chna yung wa kiwi kiwi.
Kiwa lai thoh Exam, kamjooh ki sikai wa ki wakreh wow pynman Exam.
Kiwa leh ya ka Home Delivery, ki kari kit mar, kiwa leh ya i E-Commerce Services wa kiwa kit dawai dachin.
Ki laad pathai khubor kiwa da tipmit.
Ki bru wa lai neibynta ki kaam sorkar nadooh kiwa lai ya ki COVID-19 Duty, ki pulit, ki chipai, ki pulit tympleh diñ, ki kaam bordiñ kam ki wakreh ka NEEPCO, MeECL, Powergrid wa kiwi, PHE, PWD, NHAI, NHIDCL, Food Corporation of India, Information & Public Relations, Bank, Post Office & Telegraph wa Telecommunication.
Ya kiwi won kiwa ym em kdaw haneiñ, emkaam ki wow yoh ya ka Special/Emergency Pass kiwa daw e da ka yung krehkaam u SDO heiwa kiwa kwah wow yoh ye ki wow WhatsApp ha u 8787459286.
Ya kiwa leh pyrchah lane kiwa thok yei daw wa lai wa wan ki daw pynchitom katkam ka aiñ.
