U Symbood Montri Rangbah uwa pait leh ya ka chnat Kaam Pohyung (Police), u Prestone Tynsong da ong u wa ka sorkar dang bichaar ko hajrong i yap ki 2 ngut ki bru hei kynaad kawa da mih ha West Garo Hills.
Katkam ka khubor na ki pulit da khana wa katkam ka Report ka Post-Mortem, ki 2 ngut ym em da yap ki nei chah sait ha ki pulit, wei da chem ya kini kiwa thiah yap ha madan wei ka Report da ong ko wa uwi da yap u nei chah dung katwa uwi won nei chah siat ha ka Pistol wa chna hi.
Hawa kylli, u Prestone da ong u wa ye u man wa u kuli toh uwa da siat da ki bru paidbah, deiwa pynrap wa kattæ ym pu ye wow klam pynkut neibhah ka takit dang lai ko.
Hawa yatoh wa kiwa mynsoo, u Prestone da pyntip wa ki 4 ngut kiwa mynsoo dang em ki hei chah sumaar wei da phah leh ya ki bor District wow pynbiang ki yei sumaar.
Discussion about this post