Shillong: Ka Khasi Students’ Union (KSU) Central Executive Council da sñiaw phylla ko hajrong i klam tangdep u Montri Rangbah ka jylla u Dr. Mukul Sangma wow pynpoi luti rel hadooh Sohra.
“I klam u Dr. Mukul wa daw pynpoi luti rel chadooh cha Sohra man i kam ki bniat hati kiwa da tyrwa dai dang na khloo, wei emkaam chwa wow klam chaphang ki aiñ wow yada ya ki tre ri chwa wow chah tlep ki ha ki baar jylla” da ong ka KSU.
Ka seiñ da ong ko wa toh i kaamram yong waroh kiwa mihkhmat ka jylla lada na kawon kawon ka party leh emkaam wow sylli bniah ki wei wow kreh neibynta i hok ki tre ri kiwa man leh ki khian paaid wei lada wan kiwon kiwon ki kaam pynroi u yoh myntoi ki tre ri ymtoh wow baamjem ki baarjylla.
I wanrah ya ki aiñ wow yada ya ki jaitbru khian paaid man ko leh ka kaam pynroi ha waroh kawi ka jylla.
“Hadien wa wanrah ka sorkar ya kam kitæ ki aiñ hapoh jylla, ye won ko u wanrah ya kam kitæ ki kaam pynroi kiwow yoh myntoi sakhiat ki tre ri” da ong u Secretary ka seiñ u D.V. Thabah.
Ka seiñ da beiñ ko leh yei leh embor ki pulit kiwa da lai kem ya u dkhot yong ka u Eric Nongkynrih na Pohktieh heipor chiteiñ synyaw heiwa hadooh u payu waheh yong oo da mynsoo joor u.
Also Read: Ka luti rel ym kut ko du ha sor Shillong tangwa chadooh Sohra: Dr. Mukul
Discussion about this post