Jowai: Ka Seiñ Raij Tuber Women’s Wing kawa man leh kawa pynlai yaka 7 Thyndai Child Care Institute Cum Counselling Centre (Children’s Home) kawa em ha Tuber Kmai Shnong da pyntip ko wa da chem ko wa ka seiñ Jaiñtia Student Movement (JSM) khrong poisa ko ha i pyrtuid ka Children’s Home khlem yoh bor næ khlem pyntip cha ka Women’s Wing.
Ka Women’s Wing da ong ko leh wa ym ye u len wa ka seiñ jooh embynta ko wow yarap yaka Children’s Home wei dang yarap hi ko heiyatoh wa kiwi ki emkaam tangwa wow khrong poisa ha i pyrtuid kani ka thaw ri khonswet toh kawa ym yahap, khlem da yoh bor.
Kamtæ ka Women’s Wing da pynche ko wa ya ka poisa wa da pyllang na ki bru samen, ki paidbah wa na kiwon kiwon ka ym em kitkhlieh ko iyi iyi wei haka yalang wa pynman haka 20 tarik uni u bnai da booh yei maham wa eh ya kiwon kiwon ki jait kaam wow pynbood naam ya kani ka Children’s Home wei lada jia daw lai luti katkam ka aiñ.
Ini toh katkam wa pyntip ka Secretary Seiñ Raij Tuber Women’s Wing.
Discussion about this post